Minamahal na mga kapatid,


Maligayang Pasko at isang Mapagpalang Bagong Taon!

Nararapat na tayo'y magdiwang at magpasalamat para sa mga biyayang napagkaloob sa atin nitong nakaraang taon. Higit sa lahat ay ang handog ng Diyos Ama ng kanyang kaisa-isang Anak na isinilang para maghatid ng balita ng kaligtasan sa atin. 

Nguni't  marami ang nahihirapang magdiwang dahil sa mga kalamidad at pagsubok na nararanasan sa mga panahong ito. Nawa'y ang pagsilang ni Hesus ay magdala ng bagong pag-asa, batid na sa kalagitnaan ng kahirapan, narito at sinasamahan tayo ni Emanuel. 
     

Tayo'y manalangin na, sa tulong ng grasya ng Diyos, maipadama sa kapwa, lalo na sa ating mga kapatid na kapuspalad, ang pagmamahal ni Kristo, hindi lamang nitong Kapaskuhan, kundi sa araw-araw nating pagsisikap na masundan at matularan si Kristong dukha at mapagkumbaba. Para sa higit na kaluwalhatian ng Diyos!


Naglilingkod,

Rose,  Beng, Je, Kenneth
NLC 2022-2025