|
Mainit na pagbati mula sa Christian Life Community in the Philippines!
Buong galak namin kayong inaanyayahan sa ating 2027 Pambansang Kumbensyon, na gaganapin sa Enero 22-24, 2027, sa Caritas Christi Retreat Center sa Lungsod ng Naga, Camarines Sur.
Mga Kaagapay sa Misyon ng Diyos: Magalak na Pinagpagpapanibago ang Ating Pakikipagkapatiran sa Buong Sangnilikha
Sa inspirasyon ng Laudato Si at ni San Francisco ng Assisi, na ang ika-800 hubileo ay ipinagdiriwang natin ngayong taon, pagtitipunin ng Kumbensyon ang mga kasapi at kaibigan ng CLC mula sa iba't ibang panig ng bansa para sa tatlong araw ng pagsasama-sama, pakikipagtagpo, panalangin, pagninilay at pagkilatis, pagdiriwang at pagtatalaga.
Magkasama nating pakikinggan ang hindi mapaghihiwalay na panaghoy ng sangnilikha at panaghoy ng dukha. Sa ating pananalig na hindi pagdurusa ang huling salita sa plano ng Diyos para sa sangnilikha, magtitipon-tipon tayo sa pag-asa, nagtitiwala sa pangako ng Diyos ng "isang bagong langit at isang bagong lupa" (Pahayag 21:1), at nagtatanong kung paano tayo tinatawag na makibahagi sa Kanyang gawain ng pagpapanibago.
Susundan ng Kumbensiyon ang isang payak na daloy sa loob ng tatlong araw:
Unang Araw — Ang Mas Malawak na Pananaw
Sa tulong ng ating pangunahing tagapagsalita, Mayor Leni Robredo, titingnan at susuriin natin ang mas malawak na mga kalagayang nakaaapekto sa buhay ng mga mahihirap at ng mga pamayanang lantad sa mga panganib na dulot ng pagkasira ng kapaligiran. Sama-sama rin nating pag-iisipan kung ano ang hinihingi ng tunay na magkatuwang na pananagutan sa mga pinuno, institusyon, pamayanan, at mamamayan.
Ikalawang Araw — Pagmamasid at Pakikipagtagpo
Sa Badang ni Ignacio, isang bukirin sa kabundukan na tahanan ng ating mga pamayanan sa Bicol, makikipagtagpo tayo sa lupa at sa mga nangangalaga nito. Hahayaan nating palalimin ng karanasang ito ang ating paggalang, pakikiisa, at pangangalaga sa buong sangnilikha.
Ikatlong Araw — Pagpili at Pagkilos
Mula sa pakikipagtagpo at pagninilay, kikilos tayo tungo tayo sa personal at institusyonal na pagbabagong-loob, pagiging mamamayang may malasakit sa kalikasan, sama-samang pagtugon, at misyon.
Umaasa kaming ang Kumbensyon ay hindi lamang magiging panahon ng panalangin at pagkilatis, kundi isa ring maligayang pagdiriwang ng ating pagkakaibigan at pagsasama sa misyon.
Mahahalagang Detalye
-
Para sa mga Community Guides at Coordinators: Gaganapin ang Pulong ng mga Community Guides at Coordinators sa parehong lugar sa Huwebes, Enero 21, 2027, bago ang Kumbensyon. Hinihiling sa mga Community Guides at Coordinators na planuhin ang kanilang paglalakbay at matutuluyan para sa parehong pagpupulong at Kumbensyon. Susunod ang iba pang mga detalye. Mangyaring dumating sa gabi ng Miyerkules, Enero 20. Magsisimula ang pagpupulong sa ganap na ika-9 ng umaga sa Huwebes. Sasagutin ng CLCP ang gastos sa inyong tutuluyan, pagkain, at bayad sa pagpaparehistro para sa araw na ito..
-
Para sa Lahat ng Kalahok sa Kumbensiyon: Mangyaring planuhing makarating sa Retreat Center sa pagitan ng ika-4 ng hapon at ika-9 ng gabi sa Huwebes, Enero 21, dahil magsisimula ang pagpaparehistro sa ganap na ika-8 ng umaga sa Biyernes. Magtatapos ang Kumbensyon pagkatapos ng tanghalian sa Linggo, Enero 24. Mangyaring planuhing umalis sa Retreat Center nang hindi mas maaga sa ika-1:00 ng hapon sa Linggo, Enero 24.
-
May mga tulong pinansyal at mga hulugang paraan ng pagbabayad na maaaring piliin kapag kayo ay nagparehistro.
Bayad sa Kumbensiyon:
|
Particulars
|
Amount
|
|
Registration Fee: Board & Lodging (Jan. 21, 2027 Arrival)
|
₱ 6,500.00
|
|
Registration Fee: Board & Lodging (Jan. 22, 2027 Arrival)
|
₱ 5,800.00
|
|
Registration Fee: Meals Only
|
₱ 4,800.00
|
Mas Mababang Bayad para sa Maagang Magpaparehistro:
₱ 6,000.00 (Hanggang November 15, 2026)
Mga pagpipilian sa Pagbabayad:
|
